FOOTBALL.BYОНЛАЙН-ТРАНСЛЯЦИИФУТБОЛПРОГНОЗФОРУМ ВХОД | РЕГИСТРАЦИЯ
Football.By - Белорусский и мировой футбол
 
НОВОСТИ. СТАТЬИ. ИНТЕРВЬЮ
 
Павель Кленьё
Павел Кляньё: «Калі выходзіш на 4 хвіліны, значна складаней выявіць сябе, чым за паўгадзіны або 90 хвілін»
18.04.2019 12:48
»
Карэспандэнт Football.by пагутарыў з маладым паўабаронцам мінскага «Тарпеда» Паўлам Кляньё, які ў мінулым туры чэмпіянату сваім прыгожым ударам з развароту «на сцяжку» прынёс «аўтазаводцам» нічыю ў матчы з «Віцебскам». 19-гадовы футбаліст падзяліўся эмоцыямі ад свайго супергола, распавёў аб тым, чаму размаўляе на беларускай мове, аб сваім навучанні ва ўніверсітэце, а таксама перспектывах «Тарпеда» у гэтым сезоне.
 
 
- Пачатак чэмпіянату атрымаўся ўпартым. Мы нікому не збіраемся саступаць. У першым матчы мінімальна прайгралі «Шахцёру», але я не магу сказаць, што мы ў чымсьці былі моцна слабейшыя за суперніка. У тым матчы мы павінны былі набіраць балы, але напрыканцы сустрэчы проста трохі не пашанцавала. Што датычыцца паядынка супраць "Іслачы", то лік якраз адлюстроўвае нашу зараджанасць на дужанне і няўступлівасць, якія апошні паядынак супраць «Віцебску» толькі пацвердзіў. Я думаю, што нас чакае вельмі цікавы чэмпіянат. Мы поўныя энергіі і жадання ісці наперад ды перамагаць.

- Прыемна, што твой гол у вароты віцяблян многія прызнаюць лепшым у туры?
- Так. Гэта не можа не цешыць. Вельмі важна прыносіць карысць сваёй камандзе і дапамагаць ёй дасягаць пастаўленых мэтаў. Прыемна, што гол атрымаўся прыгожым, і яго цяпер абмяркоўваюць.

- Як атрымаўся такі суперудар з развароту?
- Нейкага адмысловага сакрэту няма. Усё атрымалася само сабой. На футбольным полі часам узнікаюць такія моманты, што па-іншаму згуляць проста немагчыма. У выніку, ты вырашаеш прабіць у вельмі складанай сітуацыі, і атрымліваюцца вось такія галы.

- Ты выйшаў у самым канцы сустрэчы з «Віцебскам» і прынёс сваёй камандзе нічыю. Як сябе адчуваеш, апынуўшыся ў ролі джокера?
- Вядома, нядрэнна, калі ты выходзіш і забіваеш. Але, усё роўна, кожны футбаліст жадае гуляць увесь матч. У мяне адна з мэтаў -- замацавацца ў стартавым складзе. Бо, калі ты выходзіш гуляць на 4 хвіліны, то табе значна складаней сябе выявіць, чым за паўгадзіны або ўсе 90 хвілін.

- Як ты лічыш, у чым табе трэба дапрацаваць, каб замацавацца ў аснове?
- У мяне ёсць свае і плюсы, і мінусы. Гэта выдатна ведаюць трэнеры, якія дапамагаюць мне ліквідаваць мае недахопы, каб сваімі дзеяннямі я максімальна прыносіў карысць камандзе. Я думаю, што, выконваючы ўсе патрабаванні трэнерскага штабу, я буду прагрэсаваць як футбаліст, і ўсё ў мяне атрымаецца. Спадзяюся, дэбют у стартавым складзе не за гарамі.

- Перад пачаткам інтэрв'ю ты сказаў, што размаўляць на беларускай мове -- твая прынцыповая пазіцыя. Чаму?
- Гэта не прынцыповая пазіцыя ў паўсядзённым жыцці. Я проста для сябе вырашыў, што менавіта інтэрв'ю буду даваць на беларускай мове. Бо, калі чуеш родную мову, гэта вельмі прыемна.

- А з сябрамі, сваякамі ты размаўляеш таксама па-беларуску?
- Тут усё залежыць ад асяроддзя. Яно ў мяне пераважна рускамоўнае, таму даводзіцца падладжвацца пад іншых. Але, напрыклад, цяпер да мяне прыехала мая бабуля, якая размаўляе чыста на беларускай мове, з ёй мы маем зносіны толькі па-беларуску. У «Тарпеда» ёсць трэнер брамнікаў Валерый Макарэвіч. З ім мы таксама часам гутарым на роднай мове.

- Ты навучаешся ў БГУФК. Якую спецыяльнасць атрымліваеш?
- Я вучуся на трэцім курсе фізкультурна-педагагічнага факультэта на трэнера па футболе. Ніводзін футбаліст не зможа гуляць усё жыццё, таму я ўжо цяпер імкнуся падрыхтаваць базу, каб пасля завяршэння кар'еры гульца пачаць свой трэнерскі шлях.

- Цяжка вучыцца?
- Як і ва ўсіх студэнтаў, бываюць цяжкія моманты. Вучоба ўскладняецца тым, што ў мяне кожны дзень трэніроўкі, пасля якіх патрэбна паспець ва ўніверсітэт. Часу, вядома, бракуе. Але я імкнуся ўсё паспяваць своечасова, каб не было "хвастоў".

- Выкладчыкі робяць якія-небудзь зніжкі, калі даведваюцца, што ты прафесійны футбаліст і гуляеш у вышэйшай лізе?
- Не. Такога не было. Магу распавесці цікавы выпадак. Гэта якраз адбылося пасля матчу з «Віцебскам». Гэтую гульню абслугоўваў арбітр Андрэй Васілевіч, які з'яўляецца загадчыкам кафедрай футбола і хакея ў маім універсітэце. Пасля фінальнага свістка мы з ім пагутарылі, я падзякаваў яму за якасную працу, а ён пахваліў мяне за прыгожы гол і… сказаў, каб заўтра я быў на занятках.

- Пасля трох тураў «Тарпеда» размясцілася ў сярэдзіне турнірнай табліцы. Чаго заўзятарам можна чакаць па выніках сезону?
- Мне здаецца, што асноўная частка поспеху каманды залежыць ад трэнера. Уладзімір Уладзіміравіч Нявінскі знайшоў вельмі добрых футбалістаў, якія ідэальна падыходзяць пад структуру гульні, якую ён імкнецца пабудаваць. Цяпер у нас вельмі баяздольны калектыў, які здольны дамагчыся высокіх мэтаў.

- Напрыклад, якіх?
- Я не буду казаць аб нейкіх пэўных задачах. Проста адзначу, што мы будзем імкнуцца заваёўваць максімальную колькасць балаў у кожным матчы.

Создано: 18.04.2019 12:20. Просмотров: 1267, сегодня - 1, вчера - 2
Тэги: павель кленьё, торпедо минск, высшая лига, витебск


Новости по теме
Комментарии
Добавление новых комментариев отключено.
»
Tim 18.04.2019 17:05:08
#130137
Так. На мове артыкулы и iнтэрв'ю не чытаюць зусiм.
»
Rusak 18.04.2019 15:24:22
#130136
Цiкава, дачакаемся, калi нейкi трэнер пачне на прэс-канферэнцыi адказваць на мове? Цi там аднi "ватаны"?
 
 
 
Последние новости
20.07.2019 00:21   0
Сборная Алжира выиграла Кубок африканских наций-2019

20.07.2019 00:16   0
Игорь Ковалевич: "Вторую игру кряду уже непонятно что происходит с судейством"

19.07.2019 23:58   0
Алексей Меркулов: "Любой команде, любому тренеру пропускать на последней минуте всегда обидно"

19.07.2019 23:43   0
"Динамо" Мн вернуло Галовича, Брест подписал лучшего ассистента. Таблица трансферов высшей лиги (лето-2019)

19.07.2019 23:16   0
Защитник "Дняпро" Каршакевич - на просмотре в "Мордовии"

19.07.2019 23:08   0
Высшая лига, 16 тур. "Неман" - "Гомель" - 1:1 (ОБЗОР МАТЧА)

19.07.2019 22:38   0
Высшая лига, 16 тур. Результаты пятничных встреч

19.07.2019 22:37   0
Высшая лига, 16 тур. "Неман" в меньшинстве в компенсированное время спас ничью в игре с "Гомелем"

19.07.2019 22:23   0
На Бен Арфа претендуют пять клубов

19.07.2019 22:01   0
ПАОК, "Маккаби", "Ференцварош". С кем БАТЭ может сыграть в 3-м квалификационном раунде Лиги чемпионов

19.07.2019 21:37   0
Виталий Павлов: "Для нас сейчас самое главное - это победа. И слава богу, что мы выиграли"

19.07.2019 21:21   0
Цветинский перейдет в "Сморгонь"

ДРУГИЕ НОВОСТИ
Загрузка...

Мир интересных новостей

Чемпионаты областей Беларуси
Другие новости в сети
Чемпионат Беларуси 2019
Высшая Дубл. Первая Вторая
#КомандыИО
1БАТЭ (Борисов)1537
2Динамо (Брест)1536
3Шахтер (Солигорск)1431
4Динамо (Минск)1528
5Торпедо-БелАЗ (Жодино)1527
6Ислочь (Минский р-он)1526
7Неман (Гродно)1621
8Городея1420
9Славия (Мозырь)1418
10Слуцк1617
11Витебск1416
12Энергетик-БГУ (Минск)1614
13Минск1513
14Гомель1613
15Дняпро (Могилев)1510
16Торпедо (Минск)156
#КомандыИО
1Неман (Гродно)1639
2БАТЭ (Борисов)1536
3Динамо (Брест)1633
4Минск1529
5Динамо (Минск)1529
6Энергетик-БГУ (Минск)1627
7Шахтер (Солигорск)1424
8Слуцк1620
9Гомель1620
10Славия (Мозырь)1419
11Торпедо (Минск)1515
12Ислочь (Минский р-он)1615
13Торпедо-БелАЗ (Жодино)1614
14Дняпро (Могилев)1512
15Городея159
16Витебск145
#КомандыИО
1Смолевичи1334
2Белшина (Бобруйск)1334
3Локомотив (Гомель)1331
4Спутник (Речица)1326
5Рух (Брест)1326
6Лида1322
7Нафтан (Новополоцк)1317
8Химик (Светлогорск)1316
9Орша1316
10Гранит (Микашевичи)1415
11НФК (Минск)1315
12Волна (Пинск)1312
13Слоним-2017135
14Сморгонь134
15Барановичи132
#КомандыИО
1Арсенал (Дзержинск)1339
2Ошмяны-БГУФК1332
3Осиповичи1325
4Молодечно1324
5Узда1323
6ДЮСШ-3-Стэнлес (Пинск)1323
7Андердог (Чисть)1322
8Ивацевичи1321
9Белшина-2 (Бобруйск)1319
10ЮАС (Житковичи)1315
11Горки1313
12Энергетик-БГАТУ (Минск)1312
13СМИавтотранс (Смолевичский р-он)1311
14Виктория (Марьина Горка)137
15Неман-Агро (Столбцы)137
16Клецк136
Мы в социальных сетях
Football.by в INSTAGRAM
Football.by в TWITTER
ПОИСК ПО САЙТУ
 
 
© Football.By, 1998-2019.
При воспроизведении/перепечатке информации сайта указание источника (для интернет-сайтов - гиперссылки на www.football.by, не закрытой от индексации поисковыми системами) обязательно.
 
Рейтинг@Mail.ru Rambler's Top100