Мікалай Мятліцкі: "Стадыён у Чысці не адпавядае патрабаванням першай лігі. Будзем гуляць у Маладзечне"

Кіраўнік футбольнага клуба "Чысць" Мікалай Мятліцкі распавёў, як каманда рыхтуецца да выступу ў другім дывізіёне.

"Літаральна ўчора я быў на сустрэчы са старшынёй Маладзечанскага райвыканкама Аляксандрам Яхнаўцом. Ён настроены станоўча, але ёсць і цяжкасці, у першую чаргу з фінансаваннем. Ведаю, што тэлефануюць у Смаргонь, раяцца з імі. Першая ліга – гэта ліга прафесійная, тут і заробкі гульцам і шмат іншых нюансаў. Я баюся сурочыць, таму проста адкажу, што праца ідзе.

Футбалісты? Мне ўжо тэлефануюць хлопцы, пытаюцца, калі прыходзіць на трэніроўкі. Стадыён у Чысці не адпавядае патрабаванням стадыёна ў першай лізе. Я адразу сказаў: "У чым праблема? Будзем гуляць у Маладзечне". Не праблема арганізаваць падвоз балельшчыкаў з Чысці да Маладзечна.

Мы сябруем і са спартыўнай школай, і плануем запрашаць гуляць футбалістаў з Маладзечна ў каманду, калі на тое будзе іх згода", - распавёў Мятліцкі.