Мікалай Мятліцкі: "Думаю, назва аб'яднанай каманды задаволіць усіх: і чысцінцаў, і маладзечанцаў"

Кіраўнік футбольнага клуба "Чысць" Мікалай Мятліцкі пракаментаваў з'явіушуюся раней інфармацыю пра аб'яднанне з "Маладзечна-ДзЮСШ-4".

- Ад пачатку падрыхтоўкі да сезона я гаварыў, што Маладзечанскі раён у нас адзін і прадстаўляць яго ў Першай лізе павінна адна каманда. А тое, што датычыцца афіцыйных дакументаў, мы ўсе прадаставім, выправім, падрыхтуем.

- Пад якой жа назвай будзе выступаць аб'яднаная каманда?
- Я думаю, назва задаволіць усіх: і чысцінцаў, і маладзечанцаў. Ёсць жа каманда з назвай "Гарадзея", дзе гуляе ўвесь Нясвіж. Таму, я думаю, нікога не абразіць і не пакрыўдзіць напісанне каманды праз злучок, або з нейкай прыстаўкай.

- А што датычыцца людзей, якія працавалі з ФК "Маладзечна ДЮСШ 4". Ім знойдзецца месца ў аб'яднанай камандзе?
- Андрэй Іваненка ўжо працуе з намі. У ФК "Чысць" ён выступіць заснавальнікам разам з Дзмітрыем Ганчаровым. (Дзмітры Ганчароў быў заснавальнікам ФК "Маладзечна-2013- заўвага) Вядома, мы будзем запрашаць і гульцоў з Маладзечна. А што датычыцца Сяргея Дараховіча і іншых трэнераў ФК "Маладзечна", я іх ролі ў камандзе не бачу. У нас працуюць кваліфікаваныя трэнеры, таму нехта яшчэ ў трэнерскім штабе наўрад ці будзе запатрабаваны.

Па меншай меры першыя гульні гуляць аб'яднаная каманда будзе на гарадскім стадыёне ў Маладзечне, а там, калі падрыхтуем стадыён у Чысці, абавязкова згуляем дома, каб парадаваць чысцінскіх балельшчыкаў.

Каб спыніць усе размовы пра тое, што Чысць і Маладзечна ніяк не памірацца, я хачу сказаць, што ўсе мы робім агульную справу. І я хачу толькі аднаго, каб той калектыў, які склаўся ў нас у сезоне 2017 года, працягваў працаваць і надалей. Мы сваімі сіламі дамагліся выхаду ў Першую лігу і зробім усё, каб Маладзечанскі раён загучаў на ўсю краіну. Сколькі б бяссоных начэй мне гэта не каштавала!