Аляксандр Бацішчаў: "Хутчэй бы ўжо чэмпіянат"

Паўабаронца сталічнага "Тарпеда" Аляксандр Бацiшчаў адказаў на некаторыя пытанні клубнай прэс-службы.

– Каманда нядаўна завяршыла першы збор. Вашы ўражанні?
– Уражанні самыя станоўчыя. Пасля адпачынку заўсёды ёсць вялiкае жаданне працаваць і трэніравацца, асабліва калі створаны выдатныя ўмовы. У Гродна і харчаванне, і пражыванне, і трэніровачны працэс – усё было на вышэйшым узроўні. Таму эмоцыі толькі добрыя і пазітыўныя, папрацавалі з задавальненнем.

– Адбылiся два кантрольныя матчы, як вам супернік?
– "Неман" Гродна, дастаткова добрая баявая каманда, гульні гэтыя пайшлi на карысць i нам i "Неману". Як гаворыцца, лепш гуляць, чым трэніравацца. Першую гульню вельмі добра згулялі, і вынік быў станоўчы, і галоў шмат забілі, многае атрымалася. Другую прайгралі, але гульня была роўная, не павінны былі прапусціць. Лічу, абодва матчы правялі нядрэнна, многае з таго над чым працавалі атрымалася зрабіць на полі.

– Аляксандр, вы ўжо месяц у камандзе, як складаюцца адносіны ў новым калектыве?
– Калектыў малады, новы, прынялі мяне добра, дзякуй хлопцам. Некаторых гульцоў з Беларусі ведаў яшчэ да прыходу сюды, з Ромай Крывулькiным і Яўгенам Елезаранка разам гулялі. Так што адаптацыя прайшла добра. У асабістым жыцці кожны займаецца сваёй справай, а на полi мы ўсе разам, мы ўсе адна каманда.

– З якімі пачуццямі чакаеце пачатку чэмпіянату?
– Хутчэй бы ўжо, чакаю з нецярпеннем. Зборы гэта вядома добра, трэба падрыхтавацца, набраць форму … але чакаеш гэты першы тур, хутчэй бы ўсё пачалося. У новым сезоне жадаю праявіць сябе, асабліва калі папярэдні год склаўся не вельмі, хочацца дамагчыся новага, добрага выніку.