Сяргей Глебко: "З-за ўласных памылак стварылі момант для "Дынама"

Паўабаронца "Тарпеда" падзяліўся ўражаннем пра матч з мінскім "Дынама" (0:1) у 4-м туры чэмпіянату краіны ў вышэйшай лізе.

– Гульня нічэйная. У нас былі добрыя моманты забіць, але з-за ўласных памылак стварылі момант для суперніка, які яго і рэалізаваў. Лічу, мы мінімум павінны былі гуляць унічыю. Будзем імкнуцца паправіць сітуацыю і на наступную гульню наладжвацца на перамогу.

– Каманда згуляла вельмі адважна.
– Мы з кожным супернікам будзем так дзейнічаць. У нас добры патэнцыял і мы не будзем ад сваёй гульні адыходзіць. Зразумела, што ў залежнасці ад сітуацый, можам згуляць ад абароны. Але мы будзем дадаваць з кожнай гульнёй.

– Што здарылася з Сяргеем Лынько? Чаму яго замянілі ў перапынку?
– У яго траўма. Тройчы ішоў у стык і атрымліваў у патыліцу. У выніку адчуў недамаганне. Вырашылі замянiць. У яго быў выдатны момант, каб забіць. Мяч праляцеў абаронцу, Сяргей не чакаў гэтага і прыйшлося падладжвацца – не патрапіў.

– Сёння вас падтрымлівала шмат заўзятараў. Пара слоў ім.
– Вельмі прыемна, калі прыходзіць гэтулькі заўзятараў. Нашы гульцы заўсёды ведаюць, што фаны заўсёды за нас і ў любую хвіліну, у любое надвор’е і любы час нас падтрымліваюць. Вялікае дзякуй ім за тое, што заўсёды з намі.