НОВОСТИ
все новости
Команды | Игры | Очки | |
---|---|---|---|
1 | Неман (Гродно) | 9 | 21 |
2 | Торпедо-БелАЗ (Жодино) | 9 | 20 |
3 | Динамо (Брест) | 9 | 19 |
4 | Динамо (Минск) | 9 | 19 |
5 | Славия (Мозырь) | 9 | 16 |
6 | Витебск | 9 | 14 |
7 | Гомель | 9 | 13 |
8 | БАТЭ (Борисов) | 9 | 12 |
9 | Арсенал (Дзержинск) | 9 | 11 |
10 | Ислочь (Минский р-н) | 9 | 10 |
11 | Сморгонь | 9 | 10 |
12 | Нафтан (Новополоцк) | 9 | 8 |
13 | Днепр (Могилев) | 9 | 7 |
14 | Слуцк | 9 | 7 |
15 | Минск | 9 | 3 |
16 | Шахтер (Солигорск) | 9 | -16 |
Нет данных
Команды | Игры | Очки | |
---|---|---|---|
1 | Молодечно-2018 | 7 | 19 |
2 | БАТЭ-2 (Борисов) | 7 | 16 |
3 | Макслайн (Витебск) | 7 | 14 |
4 | Нива (Долбизно) | 7 | 14 |
5 | Лида | 7 | 13 |
6 | Волна (Пинск) | 7 | 13 |
7 | Белшина (Бобруйск) | 7 | 10 |
8 | Динамо-2 (Минск) | 7 | 10 |
9 | Торпедо-БелАЗ-2 (Жодино) | 7 | 8 |
10 | Островец | 7 | 8 |
11 | Бумпром (Гомель) | 7 | 7 |
12 | Локомотив (Гомель) | 7 | 7 |
13 | АБФФ U-17 (Минск) | 7 | 6 |
14 | Орша | 7 | 6 |
15 | Слоним-2017 | 7 | 5 |
16 | Барановичи | 7 | 5 |
17 | Шахтер-2 (Солигорск) | 7 | 4 |
18 | Энергетик-БГУ (Минск) | 7 | -5 |
Авторские материалы
Аршанскiя пакуты
06.02.2012 17:06
Каманда з традыцыямі, на пятым месцы ў лізе па наведвальнасці стадыёна - гэта якраз сведчыць пра тое, што мясцовыя прыхільнікі футбола ўжо зачакаліся поспехаў. Аднак футбольны клуб “Орша” як і раней жыве без нейкіх канкрэтных мэтаў.
Аршанцы ў апошнія сезоны традыцыйна займаюць заключныя месцы ў табліцы 2-й лігі, часта саступаюць на выездзе з буйным лікам, а канец апошняга чэмпіянату і ўвогуле стаў жахлівым – “Орша” прайграла дванадцаць матчаў запар, калі не лічыць тэхнічную перамогу над “Нёманам” з Мастоў. Для таго, каб высветліць, якія перспектывы чакаюць клуб у сезоне-2012, мы патэлефанавалі дырэктару “Оршы” Уладзіміру Правалінскаму.-Уладзімір Міхайлавіч, праўда, што каманда можа нават не заявіцца на 2-ю лігу?
- Будзем вырашаць, як нам жыць далей з федэрацыяй футбола і гарадской адміністрацыяй. Вялікая сустрэча адбудзецца ў бліжэйшы тыдзень. У нас ёсць жаданне, як выступалі ў 2-й лізе, так і хочам там выступаць. Для гэтага трэба вырашыць фінансавае пытанне. А інфармацыя пра чэмпіянат вобласці – гэта толькі чуткі, пра вобласць размовы не было. У інтэрнэце пра такую сумную будучыню ўжо напісалі, але я нічога такога не ведаю, бо зусім не ўсё вызначана на сезон.
- Усё ўпіраецца ў фінансы?
- Так. Усе пытанні пакуль фінансавыя.
- Бюджэт на сезон на самай справе несур’ёзны, вельмі малы? Гэта канчатковы праект бюджэту, яго зацвердзілі?
- Бюджэт зацверджаны, ён узгоднены са спорткамітэтам, гарадскімі ўладамі, аблвыканкамам. Грошы на каманду выдзеленыя.
- А якая сума?
- Сума невялікая. А на дадзены момант мы не ведаем як выплаціць узнос на 2-ю лігу.
- Якая сума патрэбна, каб заявіцца на 2-ю лігу і нармальна гуляць?
- Мы ўзгаднілі з абласнымі ўладамі бюджэт каманды на 400 мільёнаў. Цяпер мы павінны назбіраць гэтую суму, каб узяць удзел у 2-й лізе.
- Ёсць спонсарскія прапановы? Якія прадпрыемствы могуць дапамагчы?
- Вось гэта пакуль і высвятляецца. У сярэдзіне лютага стане вядома, а пакуль рана гаварыць.
- Пра “Оршу” гаварыў нават губернатар Віцебскай вобласці. Што канкрэтна ён сказаў?
- Губернатар падтрымлівае нас, абяцаў дапамагчы калі трэба. Ён згодны з лічбай у 400 мільёнаў рублёў, і лічыць, што гэта невялікая сума, якую ў Оршы павінны знайсці.
- Уладзімір Міхайлавіч, як вы ставіцеся да таго, што на цэнтральнай арэне Оршы магчыма будзе выступаць “Віцебск”?
- Справа ў тым, што ў Оршы ёсць дзе гуляць. Мы можам выступаць з “Віцебскам” на Цэнтральным стадыёне, можам прымаць гасцей на “Лакаматыве”, так што з палямі праблем няма.
- А як жа стадыён у Балбасаве? “Орша” ж раней гуляла некаторыя хатнія матчы менавіта там.
- Не, мясцовы стадыён і стадыён у Барані разглядаюцца намі толькі як трэніровачная база.
- А не страшна, што з прыездам “Віцебска”, народ у Оршы будзе прыходзіць у асноўным на чужы клуб, а не на свой родны? Усё ж “Віцебск” гуляе ў 1-й лізе…
- На цяперашні момант, калі такая сітуацыя захаваецца, то нас у любым выпадку будуць разводзіць па розных гарадах. Калі “Орша” будзе гуляць дома, то “Віцебск” будзе праводзіць сустрэчу ў гасцях, і наадварот. Так сказала кіраўніцтва горада. Для Оршы гэта не так і кепска, кожны тыдзень будзе футбол.
- Не хочацца нават і думаць пра праблемы, але ўсё ж такі. Калі не дамовіцеся з адміністрацыяй, “Орша” будзе заяўляцца на чэмпіянат Віцебскай вобласці?
- Не жадаем нават думаць пра такое. Хацелася б гуляць менавіта ў 2-й лізе, за люты якраз і вырашыцца пытанне. Мы павінны гуляць у 2-й лізе.
- Летась самым заможным клубам у дывізіёне быў, напэўна, слонімскі “Белтрансгаз”. У “Оршы” і блізка не было такіх грошаў. На вашу думку, які бюджэт трэба мець “Оршы”, каб не проста гуляць, а нарэшце ставіць задачу пра выхад у 1-ю лігу?
- Для таго, каб ставіць перад футбалістамі высокія задачы, неабходны бюджэт павінен скласці прыкладна 1 мільярд 200 тысяч рублёў. Гэта нармальная сума нават для клубаў 1-й лігі, а ў 2-й, маючы такія грошы, можна ставіць высокія задачы і змагацца за выхад наверх.
- Раней існавала “Орша-2”, але ў мінулым сезоне яе не стала. Наколькі важна мець другую каманду?
- На сустрэчы з гарадской адміністрацыяй будзе вырашацца і аднаўленне “Оршы-2”. Гэта былі нашы кадры, выхаванцы дзіцячай спартыўнай школы, якія гулялі ў абласным першынстве. Так што ўсё магчыма, але канкрэтная інфармацыя з’явіцца пазней.
- Значыць, ёсць верагоднасць аднаўлення “Оршы-2”?
- Канечне, так.
- Можа быць, яшчэ рана запытваць пра нейкія кадравыя рашэнні. Але, прынамсі, павінны быць нейкія планы. Каго могуць прызначыць трэнерам “Оршы”? Магчыма, галоўным трэнерам застанецца Віктар Панчук?
- Я зараз не магу адказаць на гэта пытанне, бо не адбылася сустрэча з кіраўніцтвам горада. Там непасрэдна і будуць вырашацца ўсе пытанні, якія датычацца нашага клуба, у тым ліку і тое, хто будзе яго трэніраваць.
- Арганізацыйныя пытанні – важныя пытанні, а што з футбалістамі? Колькі разоў каманда трэніруецца, якія кадравыя цяжкасці?
- Каманда трэніруецца тры разы на тыдзень. Усе футбалісты ў асноўным на месцы, набіраюць форму, у некаторых была сесія ва ўніверсітэтах і іншае, але ўсё ў парадку. Футбалісты бяруць удзел у чэмпіянаце Оршы па міні-футболе, яго матчы праходзяць кожны тыдзень у нядзелю.
Застаецца спадзявацца на тое, што грошы будуць знойдзеныя. Але самім аршанцам хочацца не проста, каб іх каманда гуляла ў 2-й лізе, яны мараць як мінімум аб вяртанні 90-х, калі “Орша” была дастаткова сімпатычным клубам у 1-й лізе. Пакуль што сярод тых, каму неабыякавы аршанскі клуб, пануюць песімістычныя настроі. Іх выражаюць падобныя каментары на сайце: "ввиду общего положения в стране и в футболе белорусском в целом, это было прогнозируемым итогом (игра в чемпионате области). R.I.P ФК Орша до очередного "возрождения", когда кинут копейки на заявку во 2ую лигу, а команды как нет, так и не будет. Понятное дело, лучше построить никому не нужный ледовый. Более 100 тысяч жителей в городе, красавец стадион, люди приходят, традиции хоть какие то есть футбольные - а властям неважно. Жаль. Дайте уже хоть дубль “Витебска” что ли.”
Аршанцы наўрад ці захочуць, каб іх каманда была фарм-клубам “Віцебска”, але яны не хочуць таксама штогод глядзець за пакутамі “Оршы” ў падвале табліцы. У больш высокіх дывізіёнах часта гуляюць каманды з маленькіх гарадоў, а горад, які ў савецкі час меў фактычна два клубы – “Старт” і “Тэмп”, цяпер ужо даўно не ўплывае сур’ёзна на падзеі у айчынным футболе. Летась споўнілася 55 год, як “Орша”, а тады яшчэ нават не пад назвай “Старт”, згуляла ў чэмпіянаце БССР. У 1971 годзе “Старт” гуляў у фінале кубка БССР. Традыцыі ў горадзе ёсць, футбол у ім па-ранейшаму любяць і вераць у будучыя поспехі. Важнасць каманды адзначаюць нават у кіраўніцтве Віцебскай вобласці. Цяпер ад гарадской адміністрацыі залежыць будучыня футбольнага клуба.